Amdanom ni

Mae CFMHAS yn dod â gwyddonwyr cymdeithasol, clinigol a biofeddygol at ei gilydd. Ei chyd-gyfarwyddwyr yw’r Athro Rob Poole a Peter Huxley. Mae gan ein hymchwilwyr gefndiroedd proffesiynol amrywiol, gan gynnwys polisi cymdeithasol, seiciatreg, gwaith cymdeithasol, seicoleg, cymdeithaseg, fferylliaeth, nyrsio, deintyddiaeth a meddygaeth.

Sefydlwyd CFMHAS yn 2012 gan Catherine Robinson a Rob Poole, gyda chymorth grant gan gronfeydd elusennol Bwrdd Iechyd Prifysgol Betsi Cadwaladr. Rydym wedi ehangu’n gyflym ers hynny. CFMHAS ddatblygodd y South Asia Self Harm Initiative (SASHI), a gyllidir gan UKRI/GCRF. Fe’i harweinir gan Catherine Robinson fel Prif Ymchwilydd. Mae’r Athro Robinson wedi symud i Brifysgol Manceinion lle mae’n Gyfarwyddwyr uned ymchwil a gyllidir gan NIHR. Rob Poole sy’n arwain elfen Prifysgol Bangor o SASHI. Mae Catherine Robinson parhau i ymwneud yn agos â CFMHAS.

Mae CFMHAS yn canolbwyntio ar ymchwil sy’n ymwneud yn uniongyrchol â gwella lles meddyliol y cyhoedd yn gyffredinol neu wella gofal iechyd meddwl. Rydym yn ymchwilio i broblemau cymhleth y gellir ymdrin â hwy’n fwy effeithiol drwy ddefnyddio cyfuniad o ddulliau ansoddol a meintiol.

Mae gennym gynlluniau cydweithio â chymunedau ymchwil gwyddorau cymdeithas, gofal cymdeithasol ac iechyd meddwl ledled Cymru a’r DU, gyda chysylltiadau cryf ag India, Pacistan, Sri Lanka, Nepal, Brasil a Hong Kong.

Mae ein diddordebau’n cynnwys:

• Hunan-niweidio, anafiadau nad ydynt yn ddamweiniol a hunanladdiad
• Meddyginiaeth opioid a roddir drwy bresgripsiwn, poen cronig a chamddefnyddio sylweddau
• Gofal cymdeithasol a gofalwyr
• Gofal a thriniaeth i bobl sydd â phroblemau iechyd meddwl parhaus
• Moeseg, gan gynnwys ysbrydolrwydd a ffiniau proffesiynol, gorfodaeth a thrais mewn sefydliadau iechyd
• Creadigrwydd a salwch meddwl
• Ymchwil a chyfuno gwybodaeth