Meddyginiaeth opioid rhagnodedig a poen cronig

Mae gan y Ganolfan ar gyfer Iechyd Meddwl a Chymdeithas raglen fawr o arloesedd clinigol ac ymchwil i’r defnydd o gyffuriau opioid dos uchel wrth drin poen cronig. Rydym yn anarferol o ran nad yw’r broblem yn gysylltiedig â chaethiwed, ond yn cyd-fynd yn fwy ag iatrogenesis. Datblygodd Rob Poole a Lucy Jones, sy’n Nyrs Glinigol Arbenigol mewn Rheoli Poen, wasanaeth a oedd yn cynnig ymatebion effeithiol amlwg i gleifion sy’n profi sgîl-effeithiau difrifol ac ychydig iawn o leddfu poen ar driniaeth ag opioidau dos uchel. Yn fwy diweddar, mae fferyllydd, Simon Gill, wedi datblygu ymyriad tebyg mewn gofal cychwynnol, ac wedi dylanwadu ar bolisi cenedlaethol Cymru.

Er y bu gwrthwynebiad sefydliadol a phroffesiynol sylweddol i’r gwaith hwn, mae’n parhau ac rydym yn gwerthuso’r ymyriad. Mae gennym hefyd grŵp o staff clinigol ac ymchwilwyr sy’n gweithio ar gyfres o brojectau cysylltiedig, gan edrych ar nifer yr achosion mewn cymuned, patrymau defnydd opioidau rhagnodedig dos uchel, effeithiau gwybyddol opioidau dos uchel, profiad cleifion a gofalwyr o ddefnyddio a gwerthuso opioidau dos uchel, defnyddio opiodau mewn gofal canser a gwerthuso rhaglen o reoli meddyginiaethau seicoweithredol mewn carchar. Rydym yn datblygu gwaith gyda phresgripsiynwyr, gan gynnwys ymyriad i helpu meddygon teulu i osgoi presgripsiynu opioidau dos uchel. Arweinir llawer o’r gwaith hwn gan John Bailey.

Back to homepage[/su_column][/su_row]