Gofal cymdeithasol a gofalwyr

Rydym yn gwneud ymchwil sy’n ceisio darganfod y ffordd orau o ddarparu a gwella gofal iechyd meddwl cymdeithasol. Mae tystiolaeth yn awgrymu bod gwasanaethau iechyd meddwl integredig yn gweithio’n well, gyda llai o rwystrau, mwy o ofal sy’n canolbwyntio ar yr unigolyn a llai o ddyblygu ymdrechion. Ond rydym yn gwybod bod troi hyn yn realiti yn cynnwys heriau ar lefel polisi ac ymarfer. Mae ein hymchwil yn rhoi sylw i faterion sy’n cynnwys gofal cymdeithasol ac iechyd gan ganolbwyntio ar systemau, polisïau a gweithio mewn partneriaeth.

Mae dealltwriaeth o’r amgylchedd cymdeithasol ac egwyddorion gofal cymdeithasol da yn cyfrannu at well dealltwriaeth o brofiadau pobl â salwch meddwl ac yn caniatáu inni roi’r gorau i ganolbwyntio ar yr agweddau biofeddygol cul (darllenwch fwy yma). Bu i brojectau fel ein project ymddygiad gwrthgymdeithasol a’n project diagnosis deuol, a gyllidir gan Lywodraeth Cymru, dynnu sylw at heriau wrth weithredu polisïau, a phwysigrwydd gweithio mewn partneriaeth yn well.

Mae ffactorau cymdeithasol a chysylltiedig yn ganolog i fywydau pobl sydd â diagnosis iechyd meddwl. Gall gofalwyr, teuluoedd a ffrindiau deimlo’n ofidus ac yn aneffeithiol. Tanlinellodd ein project gyda phobl sy’n gofalu am rywun â salwch meddwl yr angen i ystyried safbwyntiau a phrofiadau gofalwyr. Mae galluogi cyfranogiad defnyddwyr gwasanaeth a gofalwyr yn elfen bwysig o’n holl brojectau a’n nod yw cyfrannu at ymarfer a dysgu yn rhyngwladol.

Cyswllt 1
https://www.tandfonline.com/doi/pdf/10.1080/09638230123886?casa_token=cTlnggEmyS4AAAAA:9G1KX40r18lEMwqsxknewNzfVlbQnKCp_lwxZALKYP4_3Jow00OJ8Oui0pOZel40FFOPg0PcGsG_IA

Cyswllt 2
Krayer A, Robinson CA, Poole R. (2018) Exploration of joint working practices on anti-social behaviour between criminal justice, mental health and social care agencies: A qualitative study. Health Soc Care Community. 2018;00:1–11. https://doi.org/10.1111/hsc.12543

Cyswllt 3
Robinson, CA, Seddon, D, Krayer, A, Tommis, Y, Roberts, A, Gray, B (2011) Carers for people with mental health problems: needs assessment to service provision.

Back to homepage